Lea, Jose Mari at Regine, kukuning mentors ng Pinoy Idol

May balak palang kunin ng Pinoy Idol management sina Lea Salonga, Jose Mari Chan at Regine Velasquez para maging celebrity mentors ng finalists ng Pinoy Idol. Ito ang ipinarating sa showbiz press ni Hazel Abonita, production manager ng Pinoy Idol. Dagdag pa ni Hazel, perfect maging mentors ang tatlo dahil kilala internationally at approved pa ng Freemantle bosses.

Marami rin daw matututunan sa kanila ang Final 12, particular na sa style at tamang pagpili ng kakantahin.

Wala ring takot na sinabi ni Hazel na ipaglalaban niya ang galing sa pagkanta ng PI finalists laban sa Pinoy Dream Academy 2 scholars.

Kung may mentors daw ang PDA scholars, meron ding professional vocal coaches ang Pinoy Idol Final 12 na nagga-guide sa mga ito. May constant band rehearsals din para masanay sa live performance.